Alltid nyskapande
Mandriva gjev deg tilgang til all den nyaste programvaren, for såleis å gje deg ei best mogleg Linux-erfaring. OpenOffice.org 3 og Firefox 3 er berre to eksempel, blant fleire hundre andre. Mandriva Linux 2009 inneheld òg KDE 4 – ein revolusjon innan skrivebordsmiljø. Du kan skreddarsy og tilpassa KDE 4 slik du føretrekkjer, samtidig som du lèt deg imponera av brukarkjensla du får med dei flotte, nye visuelle effektane. Systemet fungerer godt på både eldre og nyare maskiner.
Mediemaskin med Mandriva
Få mest mogleg ut av media på maskina di. Med det nye fri programvare-baserte mediesenteret Elisa kan du ordna og spela musikk og film, og sjå gjennom fotosamlinga di. Du kan òg bruka Elisa saman med den berbare musikkspelaren din, med spelkonsollar og med andre einingar, via UPnP.
Gjer kvardagen enklare med Mandriva-verktøya
Brukarvenlege verktøy har alltid vore ein viktig grunntanke bak Mandriva Linux, og i denne nye 2009-versjonen får du ei samling verktøy for å administrera systemet som er endå enklare å bruka, og flottare å sjå på. Du finn blant anna fleire funksjonar i foreldrekontrollen, og direkte tilgang til alle dei offisielle pakkelagera via verktøya for programinstallering. I tillegg kan oppdateringsprogrammet i systemtrauet varsla deg om nye utgåver av Mandriva Linux, og hjelpa deg å oppgradera. Endå fleire forbetringar ligg og ventar på å verta oppdaga!
Linux-distribusjonar for alle behov, og med full støtte for mini-PC-ar!
-
Linux med 100 % fri
og open kjeldekode -
Linux som er lett å prøva,
og lett å behalda etterpå -
Mandriva Linux
med endå meir
Hjelp Mandriva å byggja ein database over maskinvarekompatibilitet
Mandriva har laga ein database over støtta for ulike typar maskinvare i Linux, som skal hjelpa Linux-brukarar å finna ut kor godt maskinvaren deira vil verka, og hjelpa dei å følgja forbetringane i maskinvarestøtta. Viss du ønskjer å bidra til dette, kan du senda oss ei oversikt over maskinvaren i systemet ditt, og opplysa om korleis han fungerer i Linux. Denne informasjonen vert så tilgjengeleg på nettet, til nytte for alle andre. Merk at informasjonen ikkje på nokon måte vert kopla til deg personleg, så du personvernet ditt vert fullstendig ivaretatt. Det er enkelt og kjapt å bidra.